كتبت: أحلام محمود
هتسموا المولود إيه؟
=طه، على اسم سيدنا النبي.
-هو سيدنا النبي صلى الله عليه وسلم كان اسمه طه؟
=اه يابني، ده في سورة كاملة في القرآن اسمها طه، أنت إزاي ماتعرفش!!!
سورة طه سورة مكية بمعنى إنها نزلت على سيدنا النبي صلى الله عليه وسلم وهو في مكة، وهي السورة ال٢٠من حيث الترتيب في المصحف.
السورة اسمها طه وأول آية في السورة برضو طه.
كتير أوي متخيلين إن طه هو إسم سيدنا محمد وده بسبب إن الآية التانية (مَا أَنزَلْنَا عَلَيْكَ الْقُرْآنَ لِتَشْقَىٰ (2)) بتخاطب فعلًا سيدنا النبي صلى الله عليه وسلم.
وعشان كده من أول وهلة وهما بيقرأوا الآيتين دول هيفهموا إن طه هو سيدنا النبي وإن ده نداء بإسمه لإن بعدها الله أخبره بأنه سبحانه لم ينزل القرآن لشقاءه صلى الله عليه وسلم، وده للأسف تفسير غلط للكلمة!
-ليه؟!
شاهد أيضا داعية شهير يثير الجدل علي مواقع التواصل الإجتماعي
=عشان (طه)مش إسم من أسماء سيدنا النبي صلى الله عليه وسلم أصلًا، وأسماء سيدنا النبي زي ما أخبرنا بها صلى الله عليه وسلم بنفسه هم (احمد، محمد، الماحِي، الحاشر، العاقب)
قال رسول الله صلى الله عليه وسلم :”لِي خَمْسَةُ أَسْمَاءٍ: أَنَا مُحَمَّدٌ ، وَأَحْمَدُ ، وَأَنَا الْمَاحِي الَّذِي يَمْحُو اللَّهُ بِي الْكُفْرَ ، وَأَنَا الْحَاشِرُ الَّذِي يُحْشَرُ النَّاسُ عَلَى قَدَمِي ، وَأَنَا الْعَاقِبُ”
وبالتالي أسم محمود ومصطفى مش من أسماء سيدنا النبي صلى الله عليه وسلم!
ياربي..أومال إيه معنى طه؟!
=أختلف المفسرون في معنى طه
فقال منهم إن طه معناها (يا رجل).
ومنهم اللي قال إن طه هي حروف مُقطعة( يعني حرف الطاء لوحده وحرف الهاء لوحده وكل حرف له معنى واختلفوا في المعاني زي (الم) كدة.
ومنهم اللي قال إنها حروف هجاء.
الطبري قال إن الأقرب في الصواب عنده هو (يا رجل)
فكده هيكون تفسير الآيات هو
“يا رجل ما أنـزلنا عليك القرآن لتشقى، ما أنـزلناه عليك فنكلفك ما لا طاقة لك به من العمل”
والآيات دي نزلت بسبب كلام المُشركين
ليه، هما قالوا إيه؟!ل
ما نزل القرآن على سيدنا النبي صلى الله عليه وسلم، بعض المُشركين قالوا:”ما أُنزل هذا القرآن على محمد إلا ليشقى ”
(يعني القرآن مانزلش على محمد غيرظ لشقاءه)!
فأنزل الله تعالى:”طه (1) مَا أَنزَلْنَا عَلَيْكَ الْقُرْآنَ لِتَشْقَىٰ (2)
وقال قتادة: ( ما أنزلنا عليك القرآن لتشقى ) : لا والله ما جعله شقاء، ولكن جعله رحمة ونورًا، ودليلًا إلى الجنة
