أروي أحمد: بدأت الرسم في سن مبكر، وماممتها التي أكتشفت موهبتها، وطموحها تكون فنانة عالمية، ولها بصمتها الخاصة في الرسم
حوار: أيمن بدوي
أروي طفلة مبدعة إستطاعت أن تترك بصمة قوية في عالم الفن التشكيلي، وفي حوارنا معها أكتشفنا شخصية كلها نضوج ويسبق طموحها سنها، ولأن دائما الأسرة لها الدور الأهم في حياة الأبناء واكتشاف مواهبهم وتقديم النصح لهم، كانا لماما وبابا أروي دور مهم في نبوغ هذه الموهبة الفذة..وإلي الحوار.
– نتعرف بحضرتك…اسمك وسنك..وفي سنه كام؟
..أروي احمد فوزي محمد، عندي ١٠ سنوات وفي سنة رابعة ابتدائي.
-كلمينا عن موهبتك وبداية ظهورها ومن الذي أكتشف موهبتك في الرسم ؟
.. موهبتي الرسم بحبة جدا كنت برسم وانا عندي ٣ سنين وماما هي اللي اكتشفتني وأخذت بالها مني وانا في كجي.
– من الذي يدعمك ومؤمن بموهبتك؟
.. ماما وبابا بيدعموني كتير وكمان مدرسين المدرسة وبيبلغوني لو فية أي مسابقات.
– هل واجهتك صعوبات في بداية مشوارك الإبداعي. وكيف تغلبتي عليها؟
– مافيش مشاكل كتير قابلتني بس كان فية حاجات مش بعرف اعملها اوي زي رسم الزيت وابتديت اتعلمة وماما شجعتني وكنت بفتح برامج علي النت واعرف اتقوي فيها ازاي.
– من هو مثلك الأعلي في الرسم؟
..نفسي ابقي فنانة عالمية زي دافنشي.
– هل يوجد فنان معين تحبي تكوني مثلة أم تحبي يكونلك شخصيتك المستقله؟
.. طبعا احب يكون ليا شخصيتي عشان اكون ليا كيان ممكن افيد بية حد وبردة طبعا نفسي ابقي فنانة عالمية زي ناس كتير منهم دافنشي.
– من وجهة نظرك الرسم يعتمد علي الموهبه فقط أم لابد من الدراسه؟
.. الرسم لابد أن يكون موهبة،عشان يعرف يكون حاجة ولكن لابد من دراسة الأشياء التي لم نعرفها حتي نصبح اقوياء فيها.
– هل لديك مواهب أخري غير الرسم ،وما هو طموحك الدراسي؟
.. مافيش عندي مواهب تانية بس بحب لعب الرياضة وبلعب كاراتيه وواخدة بطولات غربية فية
– من هو الشخص اللي نفسك تقوليله شكرا وحاسه بفضله عليكي؟
.. نفسي اقول شكرا لكل مدرسيني في المدرسة ومس هناء مديرة المدرسة ومس جانيت ومس مي حببتي ومستر جمال مسؤل الموهوبين في الإدارة..كان أول حد ساعدني ابدا من فين،
واقول شكرا كمان لبابا وماما بيدعموني كتير وبيجبولي كل حاحة بحتاجها من أدوات.
– هل سبق وعرض لك أي انجازات في مجال الرسم ؟
.. اخذت مركز اول ادارة وعملت معارض لرسوماتي واستضافوني في قناة الدلتا عشان موهبتي.
_ علي أي أساس تختارين موضوعاتك الإبداعية ؟
.. باختار مواضيع الرسم اما لو عجبتني حاجة حلوة ارسمها او شخصية مشهورة او فنان معروف..او مناسبة في البلد ممكن ارسم عنها.
– كيف توفقين بين دراستك وموهبتك الإبداعية؟
.. الحمد لله بذاكر وبضبط ان وقت الرسم لما اخلص مذاكرة بالليل لازم يكون فية ساعة ارسم فيها وبردة مش بسيب مذاكرتي ومتفوقة في دراستي.
– بما إنك طفلة مبدعه ما هي النصيحة التي تنصحي بها كل طفل في بداية مشوارة الإبداعي ؟
.. كل طفل موهوب لازم يكمل طالما كويس وبيحب الرسم ويحاول يوفق وقتة كويس..لكن لو مش موهوب بلاش يرسم عشان مش حيعرف يطلع حاجة كويسة ومش حيتفوق فبها.
– ما هي احب اوقات الرسم لديكي ؟
.. احب وفت الرسم بالليل في الهدوء بعد لما اخلص عمل حجاتي
– هل سبق وطلب منك أحد رسمه معينه لشخصية ما؟
.. لا مافيش حد طلب مني انا برسم لوحدي اللي بحب ارسمة..ورسمت صورة لبابا عشان عبد ميلادة.
-هل تشعرين بمعامله خاصه من جانب اساتذتك في المدرسة بما إنك مبدعة.
.. طبعا بتعامل معاملة خاصة في المدرسة ومن كل مدرسينني وبيحبوني وبيدعموني.
– ما هو اللقب اللي تحبي الناس تناديكي بيه مستقبلا ؟
.. احب ينادوني بفناتة المستقبل عشان اكون مشهورة بعد كدة ان شاء الله.
